الشرح بيكون بنفس اللي يكون على لسان الشباب واللي يحدث بينهم واللي يدور في بالهم وانفسهم ، والكلام بيكون بكل صراحة وبدون تكليف حتى توصل الحقيقة ان شاء الله الى أكثر البنات ما يعرفونها.
هل البنت يوم تتعرف على واحد بينتهي الى الحب او الزواج؟؟؟؟
أكيد مستحيل لأن البنت يوم تتعرف على واحد وتطلع معاه ، تصغر في عين هذا الشاب *&هذا الشيء يتكون داخل نفسية الرجل&* وهذا الشيء أكيد وطبيعي لأنها تخلت عن شرفها وعفافها وقبلت انها تكلم و تطلع مع واحد غريب فكيف يتزوجها ، اصلا حتى المخطوبين بشكل رسمي الرجل او الخطيب ما يعرض على خطيبتة انها تطلع معاه او تعمل شيء معاه غلط قبل الزواج
فكرة: كل ما تتنازل البنت وترضخ لطلبات اللي متعرفة عليه تصغر زيادة وزيادة في عينة وفي نفسة ( وطبعا هو ما يهمة تصغر في عينة شوية ولا كثير هو اهم شيء عنده ان يتسلى ويستمتع فيها ) .
ليش الشاب بيوهم اللي متعرف عليها بالزواج يعيشها في عالم الحب ؟
لأن الشاب يفكر في البنات او في البنت تفكير تسلية في شرفها وعرضها ، لين ما يحصل البنت اللي ما شاف عليها الغلط ويتزوجها ، حتى لو كانت بنت مب زينة مدام هو ما شاف عليها الغلط خلاص عادي ، وكل الشباب يقولون ان اللي ترضى انها يرقمونها و تطلع معاهم هذي وحدة صايعة ، وهي اصلا تبغي هذا الشيء وترضى لنفسها هذا الشيء ( والرضى يعني الموافق منا على فعل هذا الشيء)، وهو اذا ضيع هذه الفرصة بتروح عند غيرة ، وهي تستاهل اللي يجيها او يحصل لها من علاقتها مع الشباب او احد الشباب ، ولهذا السبب يستحلون فيها اي شيء ، على أساس ان اللي تبغي تحافظ على نفسها ما تكون مثل هذي البنت اللي فكرت بالتعارف او تكوين أي علاقة غير شريفة وغير شرعية ومشت في طريق الغلط
الشباب او الشاب هو في أغلب الاوقات هو اللي يطلب ويلح على البنت ، بس مدام هي وافقت في النهاية ، اي شيء يحصلها او يعملة معاها هي من الموافقة الأخيرة للبنت (وهذا رأي الشباب)
الشخص اللي تكلمه او تحبه هو غير وفي بنات يفكرون (يوهمون انفسهم)ويقتنعون بأن
عن كل الشباب اللي تسمع عنهم او تقرأ قصصهم في المجلات***
ملاحظة : هذا السبب اللي ضيع الكثير من البنات هذه الثقة لشخص غريب محرم عليهم لان مب معقولة ان بنت تعمل شيء غلط مع واحد وهي مش مقتنعة بأن هذا الشخص ما بيتزوجها ، لازم تكون مقتنعة ، ولو حتى تصديق وعد بالكلام بأنة بيزوجها
هذا السبب القوي في نفسية البنت و اللي يخلي وخلا الكثير من البنات انهن يتنازلون عن شرفهم وعفافهم ، لأن البنت تشوف هذا المتعرفة عليه غير عن كل الشباب ، هذا لأنها حبته وثقت فيه وسلمت نفسها له ، ويوم سلمت نفسها لهذا الشخص الغريب (اصبحت مثل بنات الشوارع في نظر هذا الشاب ونظر الناس وكل واحد عرف بعلاقتها معاه) على أمل والوعد بالزواج ، وللاسف والله الكثير من البنات يغلطون مع بعض الشباب وهم مصدقين ومقتنعين و عندهم امل كبير بالزواج بعد الغلط ، وتقول البنت منهم خلاص هو غلط معايه يعني أكيد بيصلح غلطته وبيتزوجني وان الغلط هذا دليل على قرب الزواج ، وهذا تفكير الجهلات
والكثير من البنات اللي اختربن ما تنصح صديقاتها وتحذرهم من هذا الطريق ، بل بالعكس تساعدهم على انهم يتعرفون وتشجعهم على الانحراف و تزين لهم التعارف والحب وغيرذلك ، وهذا الشيء يكون بطريقة مباشرة وغير مباشرة و الأخطر الغير مباشرة بدون ما تذكر لهم مخاطر هذه العلاقات المحرمة
وهذه حالة نفسية في كل شخص خربان او ماشي في طريق او بطريقة غلط غير الطرق المعروفة والشرعية ويحاول يخرب غيرة عشان يكون مثله وما يكون في طريق الغلط لوحدة
وهل من المعقولة ان الواحد بيروح عند اهله ويقولهم انا اريد ازوج بنت تعرفت عليها أو شفتها في مكان وعجبتني وابغي ازوجها؟؟؟
أكيد أهل الولد ما بيرضون وبيقولون تبغي تتزوج وحده ما نعرف من وين محصلها او من وين جايبها او متعرف عليها او يقولون تريد تتزوج بنت من بنات المراكز والشوارع . طبعا الولد مستحيل يعمل هذا الشي ويوضع نفسه في هذا الموقف اللي بدايته ونهايته معروفة ، لا و بالعكس بعد ، إذا قال لأهله بيتهمون البنت اللي متعرف عليها بأنها بنت حرام تريد تخدع الولد وتريد ترمي بلاها او مصيبتها على الولد..الخ
ملاحظة : حتى لو كانت البنت تقول انا بنت حلال وبنت عائلة معروفة محترمة وسمعتي ما عليها كلام ، هذا الرأي حتى لو كان حقيقة او صحيح فهذا مقتصر عليك وعلى اللي حوليك ، بس اهل الولد ما يعرفون هذا الشيء وحتى مابيفهمون هذا الشيء وخاصتنا في مسئلة الزواج ( وخاصتنا لانة ولدهم تعرف عليك بالترقيم... وغيرة ، وهذا الشيء يدل على انة البنت مو زينة و مو محترمة واخلاقها تعبانة والتعارف بالترقيم وغيرة سمة او صفة تنتسب لبنات الشوارع والمراكز ..وغيره
وطبعا الشباب عندهم كذبة معروفة لهذي المسئلة يقولون للبنت انه بيقول لأهلة انك صديقت اختي اوعرفتك عن طريق اختي وأنتي صديقتها وخلاص وفي طبعا كذبات اخرى على حسب الوضع
تحسون من هذي الكذبة اوالخطة لتغطية العيوب والعيب الكبير في علاقتهم والخروج عن المألوف وأنها في الأصل كذبة وليش هو مطر للكذب مدام هذا الشيء مب عيب او يجوز (هذي الكذبة مخصصة للبنات) ثاني شيء حتى من هذي الكذبة لو كنتي مصدقتنها هو بيكذب على أهلة على امة وأبوه ، هل تتوقعين من واحد مثل هذا الكذاب انة ما يقدر يكذب عليك بعد?! ، واذا هو قالك انة يكذب عشان هو يحبك وانة بيكذب على اهلة عشانك وعشان هذا الحب ، انا اقول هو يكذب عليك عشان تستمرين معاه في علاقتكم وبس . وفاقد الشيء لا يعطية
واذا قالك انا برتب مع اهلي او انا متفاهم وياهم ، تتحرين هذا الكلام بهذي السهولة تتحرين انة هو يوم كذب عليك يقدر يكذب على اهلة وخاصتنا مع ابوه أسئلتهم بتختلف عن الأسئلة اللي تسئلين فيها نفسك وتسألينة فيها هذا الكذاب اللي متعرفة عليه ، وشعورك وانتي تسألين هذي الأسئلة تختلف عن شعور أهلة وخاصتنا ابوه يعني انتي شعورك تريدين منة انة يطمنك بانة مب كذاب ويريد يتزوجك ، لاكن أسئلة الأهل لازم يكون فيها استنكار لهذا الشيء ولازم في نوع من الرفض يختلف عن نوع سؤالك
م
ن
ق
و
ل
تحيتي
انا نقلته لكم انه موضوع مهم جدا لانه كثر في مجتمعنا اليس كذلك وبدات المصائب تنهال علي الفتيات من التعارف الغير شرعي اليس كذلك ام ماذا اريد ان اري رايكم انه مهم جدا والغريب ان الفتيات لا تتعظ بما يحدث لغيرها وانا اري ان للاهل دور في ذلك واصدقاء السوء ولكن ماذا تفعل الفتاه او فتي في زمن كثر فيه الشهوات ولكني اري ان السبب تركنا لمنهجنا الحنيف وبعدنا عن المنهج السلامي
